ຜູ້ສ້າງເຂື່ອນຕ້ອງຮັບຜິດຊອບ

ສົມເນ
2015-07-23
ອີແມວລ໌
ຄໍາເຫັນ
Share
ພິມ
ຮູປຈໍາລອງ ຂອງ ເຂື່ອນ ດອນສະໂຮງ ທີ່ ຈະສ້າງໃສ່ ແມ່ນໍ້າຂອງ ແຂວງຈໍາປາສັກ
ຮູປຈໍາລອງ ຂອງ ເຂື່ອນ ດອນສະໂຮງ ທີ່ ຈະສ້າງໃສ່ ແມ່ນໍ້າຂອງ ແຂວງຈໍາປາສັກ
Courtesy of World map

ເຄືອຂ່າຍ ປະຊາຊົນ 8 ແຂວງ ຕິດແຄມ ນໍ້າຂອງ ຂອງໄທ ເວົ້າວ່າ ຈະຕໍ່ສູ້ ເພື່ອ ໃຫ້ ປະເທດ ທີ່ ສ້າງເຂື່ອນ ຮັບຜິດຊອບ ເຣື້ອງ ຜົນກະທົບ ຕໍ່ ສິ່ງແວດລ້ອມ, ໂດຍ ຫວັງວ່າ ຄະດີ ຟ້ອງຮ້ອງ ເຣື້ອງ ເຂື່ອນ ໄຊຍະບູຣີ ກາຍເປັນ ຄະດີ ມາຕຖານ ພູມີພາກ, ຈະເສັຽ ຫລື ຊນະ ກໍດີ, ປະເທດ ທີ່ ສ້າງ ເຂື່ອນ ກໍຕ້ອງ ຮັບຜິດຊອບ ຖ້າພິສູດ ເຫັນວ່າ ການສ້າງ ເຂື່ອນ ແຕ່ລະ ແຫ່ງ ສ້າງ ຜົນກະທົບ ຕໍ່ ສິ່ງແວດລ້ອມ ແລະ ຊີວິດ ການເປັນຢູ່ ຂອງ ປະຊາຊົນ, ຕາມການ ເປີດເຜີຍ ຂອງ ຍານາງ ອ້ອມບຸນ ທິພສຸນາ, ນຶ່ງ ໃນ ແກນນໍາ ເຄືອຂ່າຍ ປະຊາຊົນ 8 ແຂວງ ຕິດແຄມ ນໍ້າຂອງ.

“ເຮົາ ຄາດຫວັງວ່າ ຄະດີ ນີ້ ຈະເປັນ ຄະດີ ມາຕຖານ ໃນ ຣະດັບ ພູມີພາກ. ສິ່ງທີ່ ເຮົາ ຄາດຫວັງ ກ່າ ຄືວ່າ ໃຫ້ ລາວ ນີ້ ໄດ້ ສຶກສາ ຜົນກະທົບ ຂ້າມ ພົມແດນ ໄດ້ສຶກສາ ມາຕການ ການ ປ້ອງກັນ ຜົນກະທົບ ທາງ ດ້ານ ສິ່ງແວດລ້ອມ ແລະວ່າ ຄັນພິສູຕ ຊາບໄດ້ວ່າ ມັນເກີດ ຈາກ ເຂື່ອນ ທີ່ຢູ່ ໃກ້ ອີ່ຫລີ ພໍ ໄຊຍະບູຣີ ແລ້ວ ໂຕເລກ ເສັຽຫາຍ ຈັ່ງຊີ້ ພໍ ດອນສະໂຮງ ແລ້ວ ໂຕເລກ ເສັຽຫາຍ ຈັ່ງຊີ້ ເຮົາ ຊິຟ້ອງ ຕູເຈົ້າ ອີກ ພວກເຈົ້າ ຊິພ້ອມ ເສັຽຄ່າ ເສັຽຫາຍ ບໍ ຊົດເຊີຍ ຄ່າ ຢຽວຢາ ບໍ”.

ຍານາງ ອ້ອມບຸນ ໄດ້ ໃຫ້ ສັມພາດ ກັບ ເອເຊັຽ ເສຣີ ໃນ ວັນ ສຸດທ້າຍ ຂອງ ກອງປະຊຸມ ເຄືອຂ່າຍ ປະຊາຊົນ 8 ແຂວງ ທີ່ ຈັດຂຶ້ນ ຢູ່ ແຂວງ ບຶງການ ໃນ ວັນທີ 23 ກໍຣະກະດາ ນີ້. ນຶ່ງ ໃນ ຈຸດຢືນ 4 ຂໍ້ ທີ່ ເຄືອຂ່າຍ ຖແລງອອກ ນັ້ນ ແມ່ນ ຄະດີ ເຂື່ອນ ໄຊຍະບູຣີ ຊຶ່ງ ໄດ້ຟ້ອງ ການໄຟຟ້າ ຝ່າຍຜລິດ ແຫ່ງ ປະເທດໄທ ແລະ 4 ໜ່ວຍງານ ຂອງ ຣັຖບານ ທີ່ ລົງນາມ ສັນຍາ ຊື້ຂາຍ ໄຟຟ້າ ກັບລາວ. ປັດຈຸບັນ ສານ ປົກຄອງ ຂອງໄທ ສັ່ງ ງົດ ຮັບເອົາ ເອກກະສານ ຂໍ້ເທັດຈິງ ຈາກ ຝ່າຍຟ້ອງ ແລະ ຝ່າຍ ຖືກຟ້ອງ ແລ້ວ ນັບແຕ່ ວັນທີ່ 24 ກໍຣະກະດາ ເປັນຕົ້ນໄປ. ຈາກນັ້ນ ສານ ປົກຄອງ ຈະ ພິຈາຣະນາ ຄະດີ ຊຶ່ງ ອາດໃຊ້ ເວລາ ເຖິງ 2 ເດືອນ. ຄະດີ ດັ່ງກ່າວ ຝ່າຍ ເຄືອຂ່າຍ ປະຊາຊົນ ຫວັງວ່າ ຈະເປັນ ການສ້າງ ມາຕຖານ ເຣື້ອງ ຄວາມ ຮັບຜິດຊອບ ຂ້າມແດນ. ພ້ອມນີ້ ຍານາງ ອ້ອມບຸນ ຢາກ ສົ່ງຂ່າວ ມາຍັງ ຣັຖບານ ລາວ ດັ່ງນີ້.

“ຕໍ່ ຣັຖບານ ລາວ ສິ່ງ ທີ່ເຮົາ ຢາກ ຮຽກຮ້ອງ, ນອກຈາກ ເຂື່ອນ ໄຊຍະບູຣີ ທີ່ ເຮົາ ຄາດຫວັງ ໃຫ້ ເປັນ ຄະດີ ຣະດັບ ພູມີພາກ, ຊິ ເຮັດຫຍັງ ກ່າໃຫ້ ຄໍານຶງ ເຖິງ ຜົນກະທົບ ເຣື້ອງ ຄວາມ ຮັບຜິດຊອບ ຂ້າມ ພົມແດນ ແຫລະນໍ. ກໍຣະນີ ເຂື່ອນ ດອນສະໂຮງ ຄືກັນ ນະຄະ ແລະ ກ່າ ເຂື່ອນ ອື່ນໆ ທີ່ ສ້າງຂຶ້ນ ໃນ ພູມີພາກ ນີ້ ຜູ້ໃດເຮັດ ຄົນນັ້ນ ຕ້ອງເປັນ ຄົນ ຮັບຜິດຊອບ”.

ຖແລງການ ຂອງ ເຄື່ອຂ່າຍ 8 ແຂວງ ຍັງໄດ້ເວົ້າ ເຖິງ ຄວາມເປັນຫ່ວງ ເຣື້ອງ ການໃຊ້ນໍ້າ ໃນ ແມ່ນໍ້າຂອງ ຕື່ມອີກ ຫລັງຈາກ ທາງການ ໄທ ໄດ້ ປະກາດ ຈະສ້າງ ເຂດ ເສຖກິດ ພິເສດ ຂຶ້ນ ຕາມ ຊາຍແດນ ໄທ-ລາວ ຢ່າງນ້ອຍ 4 ແຫ່ງ ຊຶ່ງ ຄາດວ່າ ຈະມີການ ສ້າງ ນິຄົມ ອຸດສະຫະກັມ, ຈະມີການ ດູດນໍ້າ ຈາກ ແມ່ນໍ້າຂອງ ຂຶ້ນມາໃຊ້ ຫລາຍຂຶ້ນ ທັງ ຈະເຮັດໃຫ້ ນໍ້າໃນ ແມ່ນໍ້າຂອງ ເປິເປື້ອນ.

ຄໍາເຫັນ (3)
Share

j

ຈາກ ຂ່ວາ

ການສ້າງ ເປັນຊອງທາງ ການພັດຖະນາ ປະເທດ ແລະ ຜົນປະໂຫຍດ ກໍ່ເພື່ອສ້າງພື້ນຖານ ທາງດ້ານ ເສດຖະກີດ, ການພັດທະນາ ການສ້າງເຄື່ອນ ກໍຢູ່ເຂດພື້ນທີ ແລະນານນໍ້າ ຂອງລາວ ເພາະໄດ້ ມີການສຳຫລວດ ແລ້ວກ່ອນ ຈະສ້າງແລ້ວ ມັນກຽ່ວກັບ ປະເທດໄທ ຂໍອາໄພ ຂໍເສືອກແນ່ ຈັກຫນອຍຫນື່ງ ຫືລປະເທດ ຂອງທ່ານ ມັນມີກົດບັ່ງຄັບ ປະທວງ ລັດຖະບານ ພາຍໃນປະເທດ ຕົນເອງ ແລ້ວຫວາ ຈື່ງອອກມາປະທວງ ກົດນວງ ເສັ້ນທາງ ການພັທນາ ຂອງປະເທດເພື່ອນ ບ້ານນີ ຈັງແມ່ນພວກເຈົ້າ ມີນິດໃສ່ ຂວາງ ຫລາຍເນາະ ຈື່ງຂ່ວາງໄດ້ ກະທັງຫົນທາງ ຄວາມຈະເລີນ ຂອງບັນດາ ປະເທດອື່ນ

[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 26, 2015 02:42 PM

CRAZY

ຈາກ Nongkhai

พวกขายชาต หนีไปลี้ไพยุ่ปะเทดอื่นมันกะปากหมาแบบนี้ละพวกบ่มีแผนดินยุ่


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 26, 2015 02:37 PM

000

ເຂົາສ້າງ ຢູ່ດິນເຂົາ ແລ້ວ ກ່ຽວຫຍັງ ກັບ ຜູ້ປະທ້ວງ, ຢ້ານລື່ນ ກາເຮັດຄືກັນ ຖາແມະ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jul 24, 2015 01:29 AM

ເຕັມຫນ້າ