ຂ.ຈໍາປາສັກຈະປະມູນ ຂາຍໄມ້ ຍຶດໄດ້

ຈໍາປາທອງ
2017-06-08
ອີແມວລ໌
ຄໍາເຫັນ
Share
ພິມ
ໄມ້ຈາກ ສປປລາວ ທີ່ຂ້າມແດນໄປຢູ່ ໂຮງງານເຮັດ ເຟີນີເຈີ້ ຂອງປະເທດວຽດນາມ. ຕາມຣາຍງານຂອງອົງການ EAI
ໄມ້ຈາກ ສປປລາວ ທີ່ຂ້າມແດນໄປຢູ່ ໂຮງງານເຮັດ ເຟີນີເຈີ້ ຂອງປະເທດວຽດນາມ. ຕາມຣາຍງານຂອງອົງການ EAI
Screen captured EIA video

ທາງການແຂວງຈໍາປາສັກ ຕຽມເປີດປະມູນຂາຍໄມ້ ຜິດກົດໝາຍ ທີ່ຍຶດໄດ້ ຈໍານວນ 800 ປາຍແມັດກ້ອນ ເປັນຄັ້ງທໍາອິດ ໃນປີນີ້ ເພື່ອ ເອົາເງິນ ເຂົ້າຣັຖ. ທາງການແຂວງ ໄດ້ມີການປະກາດ ໃຫ້ນັກທຸຣະກິດ ໄປປະມູນໄມ້ 830 ແມັດກ້ອນ ໃນມື້ວັນທີ 20 ມິຖຸນາ 2017 ນີ້. ດັ່ງເຈົ້າໜ້າທີ່ ຜແນກອຸດສາຫະກັມ ແລະການຄ້າ ແຂວງຈໍາປາສັກ ເວົ້າ ໃນວັນທີ 8 ມິຖຸນາ ນີ່ວ່າ:

"ເພິ່ນປະມູນຫັ້ນແມ່ນ ວັນທີ 20 ແຕ່ວ່າເພີ່ນເລີ້ມຂາຍ ຊອງປະມູນ ແຕ່ມື້ນີ້ຮອດ ວັນທີ 19 ມາພົວພັນ ຊື້ເອົາໂລດນໍາ ຂແນງການຄ້າ ພາຍໃນ ກະຄືວ່າມີ ຫລາຍຢູ່ ເພາະວ່າຍັງ ເລີ້ມນັບຢູ່ ກະມີເດ ຍັງບໍ່ທັນຮັບ ຈາກຂແນງປ່າໄມ້ ກະມີ".

ນາງກ່າວຕື່ມວ່າ ໄມ້ທີ່ຖືກນໍາມາປະມູນ ເທື່ອທໍາອິດນີ້ ເປັນໄມ້ທີ່ຍຶດໄດ້ ຢູ່ສນາມສອງ ແລະ ສນາມສາມ. ສ່ວນໃຫຍ່ ແມ່ນໄມ້ດູ່ ແລະ ໄມ້ຈໍາປາປ່າ. ຜູ້ທີ່ຈະປະມູນຊື້ ຕ້ອງມີ ໂຮງງານ ຜລິດເຟີນີເຈີ ຫລືໂຮງງານ ປຸງແຕ່ງໄມ້ ໃນປະເທສລາວ ເທົ່ານັ້ນ.

ນາງເວົ້າວ່າ ພາຍໃນປີນີ້ ຄາດວ່າຈະມີການປະມູນ ໄມ້ຕື່ມອີກ ເພາະວ່າຢູ່ແຂວງ ຈໍາປາສັກ ນີ້ຍຶດໄມ້ ໄດ້ຫລາຍ.

ນອກຈາກແຂວງຈໍາປາສັກແລ້ວ ຢູ່ແຂວງອັດຕະປື ກໍຈະມີການ ປະມູນໄມ້ 2,200 ປາຍແມັດກ້ອນ ຊຶ່ງສ່ວນໃຫຍ່ ແມ່ນຍຶດໄດ້ ຈາກ ຂະບວນລັກຕັດໄມ້ ສົ່ງໄປຂາຍໃຫ້ ພໍ່ຄ້າ ວຽດນາມ.

ການລັກຕັດໄມ້ຂົນໄປປະເທສວຽດນາມ ຍັງມີຢູ່ ຍ້ອນຄົນບາງກຸ່ມ ທີ່ບໍ່ຢ້ານກົດໝາຍ ເຖິງແມ່ນວ່າ ມີຄໍາສັ່ງຫ້າມ ຂອງນາຍົກ ຣັຖມົນຕຣີ ສປປລາວ ແລ້ວກໍຕາມ.

ຄໍາເຫັນ (1)
Share

(

Well, you know what? Now Chapasak province can sell illegal logging to Vietnam. You can call this " logging-laundering ". In Laos the same people make the law and can break it at will. And now they're changing it - a slight bit - to make it look good. Don't be fools Lao people your government is a bunch of thieves.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Jun 12, 2017 01:17 PM

ເຕັມຫນ້າ