ຕ້ອງໃຊ້ທຶນມະຫາສານ ປຸງຢາ ຂ້າມາລາເຣັຍ

2013-10-25
ອີແມວລ໌
ຄໍາເຫັນ
Share
ພິມ
ອົງການ ອະນາມັຍໂລກ WHO
ອົງການ ອະນາມັຍໂລກ WHO
WHO

 

ຈໍາເປັນຕ້ອງການໃຊ້ເງິນ ຫລາຍຮ້ອຍລ້ານໂດລາສະຫະຣັຖເພື່ອຍັບ ຍັ້ງການແປຮູບ ທີ່ີຮ້າຍແຮງຂອງ ໂຣຄມາລາເຣັຍ ທີ່ດື້ຢາຊຶ່ງຂຍາຍ ອອກຈາກເອເຊັຍຕາເວັນອອກສ່ຽງໃຕ້ ໄປພາກສ່ວນອື່ນໆຂອງໂລກ ຕາມຣາຍງານຂອງອົງການຂ່າວ AFP ອີງໃສ່ຄໍາເວົ້າຂອງ ອົງການ ອະນາມັຍໂລກ ໃນວັນພະຫັດນີ້.

ອົງການອະນາມັຍໂລກວ່າ ເຊື້ອໂຣຄມາລາເຣັຍທີ່ສູ້ຢັນກັບຢາ ຕ້ານ ທານເຊື້ອໂຣຄມາລາເຣັຍ Artemisinin ຂນະນີ້ໄດ້ຖືກກວດພົບ ໃນ ປະເທສພະມ້າແລະວຽດນາມ 5 ປີ ພາຍຫລັງທີ່ີໄດ້ມີການເຕືອນວ່າ ຢາ ຊນິດນີ້ ບໍ່ມີປະສິດທິພາບ ໃນການຮັກສາ ໂຣຄ ມາລາເຣັຍ ທີ່ ເປັນພັຍຂົ່ມຂູ່ ຢູ່ຊາຍແດນ ກໍາພູຊາແລະໄທ ນັ້ນໄດ້ອີກ ຕໍ່ໄປແລ້ວ.

ທ່ານ Shin Young-Soo ຫົວໜ້າອົງການ ອະນາມັຍໂລກປະຈໍາ ຂົງເຂດເວົ້າໃນຖແລງການວ່າ: "ຄວາມຕ້ານທານຕໍ່ຢາartemisinin ສາມາດເຮັດໃຫ້ຄວາມກ້າວໜ້າຂອງການຄວບຄຸມເຊື້ອໂຣຄໃຫ້ຫລຸດ ລົງຢ່າງຫຼວງຫຼາຍ ແລະອາດເປັນພັຍຄຸກຄາມ ສຸຂພາບ ຂອງຜູ້ຄົນ ໃນທົ່ວໂລກຢ່າງຮຸນແຮງ. ທ່ານວ່າ:

“ຄູ່ພັທນາທີ່ສໍາຄັນ ສນັບສນູນຄວາມພຍາຍາມຂອງພວກເຮົາ ຢ່າງແຂງແຮງ ແຕ່ເຖິງຢ່າງໃດກໍຕາມ ພວກເຮົາກໍຍັງຕ້ອງໄດ້ຜະເຊີນກັບຊ່ອງ ວ່າງ ຂອງການຣະດົມທຶນຢ່າງໜ້ອຍໃຫ້ໄດ້ 450 ລ້ານໂດລາ ສະຫະຣັຖ ໃນ 3 ປີຕໍ່ໄປນີ້“.

ໂຣຄມາລາເຣັຍທີ່ເກີດຈາກການຕິດຕໍ່ດ້ວຍຍຸງ ເຮັດໃຫ້ມີຜູ້ເສັຍຊີວິດ ແຕ່ລະປີເຖິງ 660,000 ຄົນ ຕາມຄໍາເວົ້າຂອງອົງການອະນາມັຍໂລກ.

ເຕັມຫນ້າ