ສປປລໄດ້ທຶນເພີ້ມໃນໂຄງການ ນໍ້າສະອາດ

2013-10-16
ອີແມວລ໌
ຄໍາເຫັນ
Share
ພິມ
 ສປປລໄດ້ທຶນເພີ້ມໃນໂຄງການ ນໍ້າສະອາດ
ສປປລໄດ້ທຶນເພີ້ມໃນໂຄງການ ນໍ້າສະອາດ
RFA

 

ບໍຣິສັດ PanAust ຊຶ່ງເປັນບໍຣິສັດອອສເຕຣເລັຽ ທີ່ຂຸດຄົ້ນບໍ່ແຮ່ຢູ່ລາວ ແລະທະນາຄານພັທນາເອເຊັຍ ຈະໃຫ້ການຊ່ວຍເຫລືອຮ່ວມກັນ 41 ລ້ານດອນລາສະຫະຣັຖ ເພື່ອສົມທົບເຂົ້າໃນໂຄງການ ກໍ່ສ້າງຣະບົບນໍ້າປະປາ ແລະຣະບົບ ສຸຂອະນາມັຍໃຫ້ແກ່ປະຊາຊົນໃນ 11 ຕົວເມືອງ ທົ່ວປະເທດລາວ ທີ່ຕ້ອງໄດ້ໃຊ້ງົປມານທັງໝົດ 46.55 ລ້ານດອນລາ.

ໜັງສືພີມຂອງບໍຣິສັດອອສເຕຣເລັຽ ໄດ້ແຈ້ງໃນມື້ວັນຈັນຜ່ານມານີ້ວ່າ ທາງບໍຣິສັດແພນອອສຕ໌ (Pan-Aust) ຈະໃຫ້ເງິນທຶນທັງໝົດ 6 ລ້ານ ດອນລາ ສ່ວນທະນາຄານພັທນາເອເຊັຽຈະໃຫ້ທຶນທັງໝົດ 35 ລ້ານດອນລາສ່ວນທີ່ເຫລືອ 5.55 ລ້ານດອນລາ ນັ້ນຈະເປັນໜ້າທີ່ ທາງການ ລາວ ແລະປະຊາຄົມທ້ອງຖິ່ນ ທີ່ຈະຮ່ວມກັນອອກສົມທົບ.

ທ່ານ Gary Stafford ຜູ້ອຳນວຍການດ້ານບໍຣິຫານ ຂອງບໍຣິສັດແພນອອສຕ໌ ໄດ້ແຈ້ງວ່າທາງບໍຣິສັດກໍມີຄວາມດີໃຈ ທີ່ມີສ່ວນຮ່ວມໃນໂຄງ ການກໍ່ສ້າງຣະບົບນໍ້າປະປາ ແລະທໍ່ລະບາຍດ້ານສຸຂອະນາມັຍດັ່ງກ່າວຊຶ່ງກ່ອນໜ້ານີ້ ທາງທະນາຄານພັທນາເອເຊັຽ ກໍໄດ້ໃຫ້ການສນັບສນູນ ໂຄງການກໍ່ສ້າງ ຣະບົບນໍ້າປະປາ ແລະຣະບົບທໍ່ສຸຂອະນາມັຍ ທີ່ໄດ້ຜົນດີສໍາເຣັດໄປແລ້ວ 3 ໂຄງການດ້ວຍກັນ ຕາມຕົວເມືອງ ຂນາດນ້ອຍ ຕ່າງໆ 31 ແຫ່ງ ແລະຍັງມີແຜນ ທີ່ຈະດຳເນີນຕໍ່ໄປ ໃຫ້ແລ້ວຕື່ມອີກ 12 ແຫ່ງພາຍໃນປີ 2015.

ຢ່າງໃດກໍຕາມ ບໍຣິສັດແພນອອສຕ໌ ເປັນບໍຣິສັດທີ່ລົງທຶນຫລາຍໃນເມືອງລາວ ຊຶ່ງປັດຈຸບັນນີ້ 90% ແມ່່ນການລົງທຶນໃນໂຄງການ ຂຸດຄົ້ນບໍ່ ແຮ່ຢູ່ພູເບັ້ຽ ແລະກໍເປັນບໍຣິສັດທີ່ໄດ້ຮັບການສນັບສນູນແລະໃຫ້ຄວາມເຊື່ອໝັ້ນຫລາຍທີ່ສຸດ ໃນບັນດາຂອງບໍຣິສັດທີ່ມີການລົງທຶນໃນພູມີພາກ ເອເຊັຽດັ່ງກ່າວນີ້.

ຄໍາເຫັນ (1)
Share

sonsoukkhy@gmail.com

ຈາກ 203026607

ການແກ້ໄຂບັນຫາ ດັ່ງກ່າວ ເຫັນດີນຳ ຜູ້ທີ່ກ່ຽວຂ້ອງ ເພື່ອເຮັດໃຫ້ ຫານກີນຢູ່ ຂອງ ປະຊາກອນ ໃນລາວ ມີນ້ຳໃຊ້ ຢ່າງພໍພຽງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Mar 18, 2014 04:38 PM

ເຕັມຫນ້າ