ຫຼາຍພາກສ່ວນເປັນຫ່ວງນໍາ ຊາວບ້ານ ມ.ສນາມໄຊ

ໄຊຍາ
2018-09-19
ອີແມວລ໌
ຄໍາເຫັນ
Share
ພິມ
ເຄືອຂ່າຍ ປະຊາສັງຄົມເກົາຫລີໃຕ້ ແລະຊາວໄທ ທີ່ໄປຮຽກຮ້ອງ ຢູ່ຕໍ່ໜ້າບໍຣິສັດ SK
ເຄືອຂ່າຍ ປະຊາສັງຄົມເກົາຫລີໃຕ້ ແລະຊາວໄທ ທີ່ໄປຮຽກຮ້ອງ ຢູ່ຕໍ່ໜ້າບໍຣິສັດ SK
RFA/PN

ເຄືອຂ່າຍພາກປະຊາສັງຄົມ 3 ປະເທດ ໄດ້ແກ່ ເກົາຫລີໃຕ້ ໄທ ແລະກັມພູຊາ ຍັງເປັນຫ່ວງປະຊາຊົນລາວ 6 ພັນປາຍຄົນ ຢູ່ ເມືອງສນາມໄຊ ແຂວງອັດຕະປື ທີ່ໄດ້ຮັບຜົລກະທົບຢ່າງໜັກໜ່ວງ ຈາກເຫດເຂື່ອນເຊປຽນ-ເຊນໍ້ານ້ອຍແຕກ. ດັ່ງຍານາງ ເປັມລືດີ ດາວເຮືອງ ເຄືອຂ່າຍເຝົ້າຕິດຕາມເຂື່ອນໃນລາວ ປະເທດໄທ ກ່າວຕໍ່ວິທຍຸເອເຊັຍເສຣີ ໃນວັນທີ 19 ກັນຍາ ນີ້ວ່າ:

"ແຕ່ວ່າ ປະເດັນທີ່ເປັນຫ່ວງ ຫລາຍທີ່ສຸດຂອງເຮົາ ໃນຂະນະນີ້ຄືເຮົາບໍ່ໄດ້ຍີນຖແລງການຂອງບໍຣິສັດ ເນື່ອງຈາກເຮົາເຫັນວ່າ ຄວາມເສັຍຫາຍນີ້ໜັກໜ່ວງແລ້ວ ປະຊາຊົນໃນພື້ນທີ່ ຫລື ຕອບຮັບ ຫລືຕອບສນອງທີ່ຈະແຈ້ງ ພວກເຮົາເອັງທີ່ຕິດຕາມຍັງບໍ່ຮູ້ວ່າໃຜ ຈະເປັນຜູ້ດູແລຄວາມເສັຍຫາຍ ຫລື ຮັບຜິດຊອບ ຢ່າງເຖິງທີ່ສຸດເພາະປະຊາຊົນຈຳນວນຫລາຍພັນ ທີ່ໄດ້ຮັບຜົລກະທົບ ຄິດວ່າຍາວນານ.”

ຍານາງກ່າວຕື່ມວ່າ ນັບແຕ່ມື້ເຂື່ອນເຊປຽນ-ເຊນໍ້ານ້ອຍແຕກ ເຮັດໃຫ້ປະຊາຊົນລາວທີ່ອາໃສຢູ່ໃຕ້ເຂື່ອນໄດ້ຮັບຜົລກະທົບໃນທັນທີ ໂດຍບໍ່ມີໂອກາດຫລົບໜີໄປທາງໃດ ມີທັງຜູ້ເສັຍຊີວິດ ແລະຫາຍສາບສູນ ອີກຈຳນວນຫຼາຍ ທີ່ຍັງຊອກບໍ່ເຫັນໃນເວລານີ້.

ປະຈຸບັນ ບໍຣິສັດຮ່ວມທຶນ ທັງ 4 ບໍຣິສັດ ຄື ບໍຣິສັດ SK, ບໍຣິສັດ KOREA WESTERN ຈາກປະເທດເກົາຫລີໃຕ້, ບໍຣິສັດຣາຊບູຣີ ໂຮນດີ້ງ ຈາກປະເທດໄທ ແລະ ບໍຣິສັດ ວິສາຫະກິຈ ຖືຫຸ້ນລາວ ບໍ່ໄດ້ອອກມາສະແດງຄວາມຮັບຜິດຊອບແຕ່ຢ່າງໃດ ຮວມເຖິງສາເຫດ ທີ່ແທ້ຈິງ ທີ່ເຮັດໃຫ້ເຂື່ອນແຕກ. ສາເຫດເຂື່ອນເຊປຽນ-ເຊນໍ້ານ້ອຍແຕກ ໃນຄັ້ງນີ້ ຍັງເປັນຄໍາຖາມໃຫ້ກັບຫຼາຍພາກສ່ວນ ໂດຍສະເພາະ ປະຊາຊົນລາວ ເຊີ່ງເປັນຜູ້ໄດ້ຮັບຜົລກະທົບວ່າແທ້ຈິງແລ້ວ ສາເຫດເຂື່ອນແຕກມາຈາກພັຍທຳມະຊາດ ຫລື ມາຈາກການກໍ່ສ້າງເຂື່ອນ ທີ່ບໍ່ໄດ້ມາຕຖານຂອງບໍຣິສັດຜູ້ຮັບເໝົາ ບໍຣິສັດ SK ຈາກປະເທດເກົາຫລີໃຕ້ .

ຮວມເຖິງການເປີດເຜີຍຂໍ້ມູນ ເຣື່ອງການສຶກສາຄວາມເປັນໄປໄດ້ ມາຕຖານການກໍ່ສ້າງ ແລະ ຂໍ້ມູນຜົລກະທົບດ້ານສິ່ງແວດລ້ອມ ຂອງເຂື່ອນເຊປຽນ-ເຊນໍ້ານ້ອຍ ກໍຍັງບໍ່ເຄີຍເປີດເຜີຍໃຫ້ສັງຄົມໄດ້ຮັບຮູ້. ດັ່ງທ່ານກ່າວຕື່ມວ່າ:

"ເຮົາກໍ່ມີຄໍາຖາມກ່ຽວກັບເຣື່ອງຄວາມໂປ່ງໃສ ແນ່ນອນຄຳຖາມສ່ວນໃຫຍ່ ຈະມາຈາກຕັ້ງແຕ່ໃນໄລຍະເຣື່ອງ ການຮັກສາຄວາມເປັນໄປໄດ້ ການສຶກສາເຣື່ອງ ຜົລກະທົບທາງ ສີ່ງແວດລ້ອມ ຍັງເປັນຄໍາຖາມໃຫຍ່ກ່ວາ ຄົບຖ້ວນແລ້ວຫລືບໍ່ ມັນກໍ່ມີຂໍ້ພິສູດເຖິງຄຳຖາມເຖິງເຣື່ອງ ຄວາມເສັຍຫາຍ ເຣື່ອງການອົບພະຍົບທີ່ຍັງບໍ່ເປັນທີ່ຍອມຮັບ."

ການອອກມາເຄື່ອນໄຫວ ເຫດການເຂື່ອນເຊປຽນ-ເຊນໍ້ານ້ອຍແຕກ ຂອງເຄືອຂ່າຍພາກປະຊາສັງຄົມ ທີ່ປະເທດເກົາຫລີໃຕ້ ໃນເທື່ອນີ້ ບໍ່ໄດ້ໂຈມຕີ ບໍຣິສັດ SK ແລະ ບໍຣິສັດຮ່ວມທຶນ ອີກ 3 ບໍຣິສັດ ພຽງແຕ່ເປັນ ການຕິດຕາມ ແລະເຂົ້າໃຈໃນຂະບວນການຮັບຜິດຊອບ ແລະການຊົດເຊີຍຕ່າງໆ ຂອງບໍຣິສັດກໍ່ສ້າງເຂື່ອນເຊປຽນ-ເຊນໍ້ານ້ອຍ ເທົ່ານັ້ນ.

ຄໍາເຫັນ (2)
Share

(

Now you, Lao scum party-state , you can send your militiamen to demand compensation from the south Korean construction firms for the people of Attapeu if you have guts. You don't have even balls if you want opinion. You are good at threatening your own people, and the Lao who fled from you criminal regime. You talk big in Laos but when outside you play low profile. The whole world this is courage of Lao commies and their friends!


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2018 04:50 AM

(

Where are you the Lao government ? You cannot do it yourself ? With Lao population you behave like big men by showing them biceps or threatening them with guns. On the international scene you act like less than puppies. Scum, scums, you are scums !


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Sep 20, 2018 04:48 AM

ເຕັມຫນ້າ