ລາວນອກຮຽກຮ້ອງສິດທິເພື່ອ ລາວໃນ

ຈໍາປາທອງ
2014-11-11
ອີແມວລ໌
ຄໍາເຫັນ
Share
ພິມ
ລາວນອກ ຮຽກຮ້ອງ ສິດທິ ເພື່ອ ລາວໃນ
ລາວນອກ ຮຽກຮ້ອງ ສິດທິ ເພື່ອ ລາວໃນ
RFA

 

ພັນທະມິດ ເພື່ອ ປະຊາທິປະຕັຍ ໃນລາວ ທີ່ ມີສູນກາງ ຢູ່ ປະເທສ ເຢັຽຣະມັນ ມີສາຂາ ຢູ່ ສະຫະຣັດ ອະເມຣິກາ ການາດາ ຝຣັ່ງ ອອສເຕຣເລັຍ ນິວຊີແລັນ ຍີ່ປຸນ ໄທ ແລະ ໃນ ປະເທສ ລາວ ໄດ້ຊຸມນຸມ ປະທ້ວງ ຢູ່ ຕໍ່ໜ້າ ສະຖານທູດ ລາວ ແລະ ສະຖານທູດ ສສວຽດນາມ ທີ່ ນະຄອນ ຫລວງ ວໍຊິງຕັນ ດີຊີ ສະຫະຣັດ ອະເມຣິກາ ໃນ ວັນທີ 8 ພຶສຈິກາ 2014 ເພື່ອ ທວງໃຫ້ ມີການ ປ່ຽນແປງ ໃນລາວ ໄປສູ່ ຣະບອບ ການ ປົກຄອງ ແບບ ປະຊາ ທິປະຕັຍ ແລະ ໃຫ້ມີ ຫຼາຍພັກ ການເມືອງ. ໃຫ້ມີ ການ ເລືອຕັ້ງ ຢ່າງເສຣີ ທີ່ ເປັນທັມ ໂດຍ ມີການ ດູແລ ຈາກ ສະຫະ ປະຊາຊາດ, ທວງໃຫ້ ຍົກເລີກ ສົນທິ ສັນຍາ ມິຕພາບ ແລະ ການຮ່ວມມື ລາວ ວຽດນາມ ປີ 1977.

ມີການ ທວງໃຫ້ ຖອນ ກອງທັບ ວຽດນາມ ທັງໃນ ເຄື່ອງແບບ ແລະ ນອກ ເຄື່ອງແບບ ແລະ ທີ່ປຶກສາ ຊ່ຽວຊານ ວຽດນາມ ທີ່ ຄວບຄຸມ ທຸກຂັ້ນ ການປົກຄອງ ທີ່ ສໍາຄັນ ໃນລາວ ອອກຈາກ ລາວ ຢ່າງ ຮີບດ່ວນ ເພື່ອ ປ່ອຍໃຫ້ ຄົນລາວ ປົກຄອງ ປະເທສ ຢ່າງມີ ເອກຣາດ ອັນສົມບູນ ແລະ ມີ ປະຊາ ທິປະຕັຍ ຢ່າງ ແທ້ຈິງ ແລະ ທວງ ໃຫ້ ແກ້ໄຂ ບັນຫາ ອື່ນໆອີກ ຫລາຍຢ່ງ ດັ່ງທີ່ໄດ້ ບົ່ງໄວ້ ຢູ່ໃນສານ ປະທ້ວງ ທີ່ ດຣ. ບຸນທອນ ຈັນທະລາວົງ ວີເຊີ ປະທານ ພັນທະມິດ ເພື່ອ ປະຊາທິປະຕັຍ ໃນລາວ ໄດ້ອ່ານຢູ່ ຕໍ່ໜ້າ ສະຖານທູດ ລາວ ແລະ ວຽດນາມ ທີ່ ເວົ້າເຖິງ ຄວາມ ເປັນຫ່ວງ ນໍາການ ສຶກສາ ຂອງ ຊາວ ໜຸ່ມລາວ ແລະ ເປັນຫ່ວງ ນໍາຜົລ ກະທົບ ອັນບໍ່ດີ ຂອງ ຢາເສບຕິດ ຢູ່ລາວ. ຜູ້ ເຂົ້າຮ່ວມ ການ ຊຸມນຸມ ປະທ້ວງ ອັນມີ ທັງ ຍານາງ ບົວລຽນ ຈາກຣັຖ ຟີລາແດວເຟັຍ ກ່າວວ່າ ຢາກໄດ້ ບ້ານ ໄດ້ ເມືອງ ຄືນມາ:

"ເຮົາຢາກໄດ້ ບ້ານ ຢາກໄດ້ ເມືອງ ຄືນແຫລະ ເຂົາ ປົກຄອງ ມາແລ້ວ ມັນ ເສັຽບ້ານ ເສັຽເມືອງ".

ເຫັນວ່າ ການ ປົກຄອງ ຂອງ ຣັຖບາລ ລາວ ປັດຈຸບັນ ເປັນແນວໃດ ນໍ?

"ມັນກະບໍ່ດີ ແຫລະ ມັນ ຂູດຮີດ ປະຊາຊົນ ຫລາຍ ມັນກະ ຂົ່ມເຫັງ ປະຊາຊົນ ເຮົາ ກໍບໍ່ມັກ ຖ້າມັນ ປົກຄອງ ບໍ່ດີ ກະໃຫ້ ຜູ້ໃໝ່ ຂຶ້ນແທນ ຜູ້ໃດດີ ຜູ້ໃດ ບໍ່ດີ ຂຶ້ນກັບ ປະຊາຊົນ".

ແລະ ທ່ານ ວິສະນຸ ຈາກຣັຖ ອາລາບາມາ ກໍໄດ້ກ່າວ ໃນຕອນ ນຶ່ງວ່າ ຢາກໃຫ້ ປະຊາຊົນ ລາວ ໄດ້ຮັບ ຄວາມ ຍຸຕິທັມ:

"ຂ້າພະເຈົ້າ ມີຄວາມ ພາກພູມໃຈ ຫລາຍ ທີ່ເຫັນ ປະຊາຊົນ ຄົນລາວ ຫລວງຫລາຍ ທີ່ວ່າມາ ຮຽກຮ້ອງ ຂໍຄວາມ ເປັນທັມ ຂໍຄວາມ ຍຸຕິທັມ ໃຫ້ແກ່ ພົລເມືອງ ທີ່ຢູ່ ເມືອງ ລາວ ຄິດເຫັນ ຄົນລາວເຮົາ ທີ່ີຢູ່ໃນ ຄວາມທີ່ວ່າ ທຸກຍາກ ປາກໝອງ ແລະ ບໍ່ມີ ສິດທິ ພວກເຮົາ ຂໍຮຽກຮ້ອງ ໃຫ້ມີ ສິດທິ ມະນຸດ ຢູ່ໃນ ເມືອງ ລາວ ຂອງເຮົາ".

ການຊຸມນຸມ ປະທ້ວງ ຄັ້ງນີ້ ຮ່ວມກັບ ພັນທະມິດ ເພື່ອ ປະຊາທິ ປະຕັຍ ໃນລາວ ກໍມີທັງ ອົງການ ສູນກາງ ລາວ ຮ່ວມ ພາຣະກິດຊາດ, ອົງການ ລາວ ເພື່ອ ມະນຸສທັມ ແລະ ປະຊາ ທິປະຕັຍ ອົງການ ມະນຸສທັມ ຕູບີ ລີຟຸງ ທີ່ ສະຫະຣັຖ ອະເມຣິກາ ປະຊາຄົມ ລາວ ອະເມຣິກັນ ຣັຖ ມັສສາຈູເສັດ ທີ່ ສະຫະຣັຖ ຂະບວນ ການ ເພື່ອ ສິດທິ ມະນຸດ ແລະ ປະຊາທິ ປະຕັຍ ທີ່ ອອສເຕຣເລັຍ ແລະ ພັກ ປະຊາຊົນ ລາວ ລ້ານຊ້າງ ຢູ່ ປະເທສ ການາດາ ເຂົ້າ ຮ່ວມ.

ຄໍາເຫັນ (13)
Share

ຄົນລາວໃນ

ຈາກ ພົມ

ຂອບໃຈ ບັນດາ ທ່ານ ລາວນອກ, ເວລາ ບ້ານເມືອງ ສະຫງົບ ພວກທ່ານ ກະມາປະທ້ວງ, ເວລາບ້ານເມືອງ ກຳລັງ ພັດທະນາ ພວກທ່ານ ກະພາກັນ ມາຫ້າມ ມາປາມ, ປະຊາຊົນ ລາວ ພາກັນ ທຳມາ ຫາກິນ ຢ່າງມີ ຄວາມສຸກ ພວກທ່ານ ກໍມາສ້າງ ຄວາມວຸ້ນວາຍ. ພວກທ່ານ ຕ້ອງການ ຫຍັງແທ້? ອັນນີ້ໃຜໆ ກະຄືຊິຮູ້. ຖ້າພວກທ່ານ ເກັ່ງ ຄືບໍພາ ປະເທດຊາດ ໄປຮອດໃສ ເປັນຂ້ອຍຂ້າ ເຂົາມາຈັກ ສັດຕະວັດ, ທາງປູຢາງ ມີຈັກ ກິໂລແມັດ, ພີ່ນ້ອງໄກ້ກັນ ໄປມາຫາສູ່ ເປັນມື້ໆ ແຕ່ດຽວນີ້ເດ ສະດວກ ແນວໃດ ທ່ານອາດຈະຮູ້.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 24, 2014 11:41 PM

Lao oz

ຈາກ Victoria

ເຖິ່ງເວລາແລ້ວ ທີ່ປະເທດລາວ ຈຳຕ້ອງ ປຽ່ນແປງ ດ້ວຍການ ໃຫ້ສິດທິ ເສຣີພາບ ແກ່ ປະຊາຊົນ ຣະບອບ ຜເດັດການ ຄອມມູນິສ ເປັນຣະບອບ ທີ່ຊາວໂລກ ກຽດຊັງ ແລະຊາວໂລກໄດ້ ລົບລ້າງ ໄປເກືອບຫມົດ ແລ້ວ ມີພຽງ ຫ້າ ປະເທດ ເທົ່ານັ້ນ ທີ່ຫລົງເຫລືອ ຜິດຍຸກຜິດສມັຍ ເຫມືອນກັບ ສັດ ປະຫລາດ ເປັນຣະບອບ ຜເດັດການ ຢ່າງຫນ້າ ອັບອາຍ ໃນຂນະທີ່ ທຸກປະເທດ ເທົ່າໂລກໄດ້ ໃຫ້ສິດທິ ເສຣີພາບ ແລະ ຄວາມເປັນ ປະຊາທິປະໄຕ ໃຫ້ແກ່ ປະຊາຊົນ ເກືອບ ຫມົດທັງ ໂລກແລ້ວ ແມ່ນແຕ່ ຄວາມຈເຣີນ ທາງເສຖກິດ ທີ່ເປັນຢູ່ຢ່າງ ປັດຈຸບັນ ກໍແມ່ນຍ້ອນ ນະໂຍບາຍ ເສຖກິດ ການຄ້າເສຣີ ບໍ່ແມ່ນ ນະໂຍບາຍ ຮວມສູນ ຂອງ ພັກລັດ ທີ່ເຄີຍ ປະຕິບັດ ແຕ່ ກໍລົ້ມເລວ ມາແລ້ວ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 17, 2014 06:35 PM

ທ້າວ ກືກ

ຈາກ ເມືອງມືດ

ຂໍສະບາຍດີ ອີກເທື່ອໜຶ່ງ ທຸກໆ ທ່ານ ຂ້າພະເຈົ້າ ຂໍບອກ ໃຫ້ທຸກທ່ານ ຍຸດເຊົາການ ຮຽກຮ້ອງ ຊອກຫາ ທ່ານ ສົມບັດ ສົມພອນ ຊາ ເພາະ ຜູ້ນຳ ພະເດັດການ ຂອງພວກເຮົາ ບໍ່ປ່ອຍໃຫ້ ສັດຕູ ຂອງເຂົາເຈົ້າ ອອກມາ ເປີດເຜີຍ ຄວາມຊົ່ວຊ້າ ສາມານ ຂອງເຂົາເຈົ້າ ດອກ ແລະ ຊາດນີ້ ພວກເຮົາຄົງ ຊີບໍມີ ໂອກາດໄດ້ ເຫັນ ທ່ານ ສົມບັດ ສົມພອນ ອີກແລ້ວ ຜູ້ນຳ ພະເດັດການ ມັນເກັບ ຊີວິດຂອງລາວ ແຕ່ ມື້ຈັບໂຕ ພຸ້ນແລ້ວ ຮຽກຮ້ອງ ໄປກໍ່ບໍມີ ຄວາມໝາຍ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 17, 2014 06:32 PM

ວຽງຈັນ

ຈາກ ໄຜ່ໜາມ

ລາວໃນ ບໍ່ຕ້ອງການ ລາວນອກ ຮຽກຮ້ອງ ສິດທິ ໃຫ້ດອກ ເພາະ ມີປັນຍາ ເຮັດໄດ້ຢູ່ ແຕ່ຍັງບໍ່ທັນ ເຖິງຍາມ ມັນເທື່ອ ຍັງເຮີ່ມຢູ່, ບໍ່ທັນ ສຸກງອມ ເທື່ອ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 14, 2014 11:59 AM

ທ້າວ ກືກ

ຈາກ ເມືອງມືດ

ພວກທ່ານ ຮູ້ດີແລ້ວວ່າ ລະບອບເຮົາ ແມ່ນລະບອບ ພະເດັດການ ຮຽກຮ້ອງໄປ ກໍ່ບໍ່ມີຫຍັງ ດີຂຶ້ນ ຍ້ອນວ່າ ພະເດັດການ ຢ່າງດຽວ ແຕ່ເຖີງຢ່າງໃດ ກໍເປັນກຳລັງໃຈ ໃຫ້ທຸກທ່ານ ທີ່ມີ ຄວາມຮັກແພງ ຕໍ່ ປະຊາຊົນ ລາວ ພາຍໃນ ຊາດ ທີ່ບໍ່ມີປາກ ບໍ່ມີສຽງ ຕໍ່ທຸກບັນຫາ ທີ່ຜູ້ນຳ ພະເດັດການ ຄວບຄຸມ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 13, 2014 02:27 PM

ເບິ່ງຄວາມເຫັນທັງໝົດ.

ເຕັມຫນ້າ