ຂະບວນການນັກສຶກສາລາວ 26 ຕຸລາ

ຈໍາປາທອງ
2014-10-24
ອີແມວລ໌
ຄໍາເຫັນ
Share
ພິມ
 ຂະບວນການນັກສຶກສາລາວ 26 ຕຸລາ
ຂະບວນການນັກສຶກສາລາວ 26 ຕຸລາ
RFA

 

ຂະບວນການ ນັກສຶກສາ ເພື່ອ ປະຊາທິປະຕັຍ ໃນລາວ 26 ຕຸລາ ເປັນ ຂະບວນການ ຂອງ ຊາວລາວ ທີ່ ເຄື່ອນໄຫວ ຕໍ່ສູ້ ມາໄດ້ ຫລາຍປີ ຊຶ່ງ ປີນີ້ ກໍເປັນ 15 ປີ ທີ່ຍັງຕໍ່ສູ້ ຢູ່ບໍ່ຖອຍ ເພື່ອ ໃຫ້ລາວ ກາຍເປັນ ປະເທສ ເອກກະຣາດ ມີອໍານາດ ອະທິປະຕັຍ, ເຮັດໃຫ້ ປະຊາຊົນ ລາວ ທັງຊາດ ຫຼຸດພົ້ນ ອອກຈາກແອກ ຄອບຄອງ ຂອງ ຣະບົບ ພັກດຽວ, ເຄົ້າດຽວ, ຂອງ ຣະບອບ ຜະເດັດການ, ໃຫ້ ປະຊາຊົນ ມີສິດ ເສຣີພາບ ແລະ ປະຊາທິປະຕັຍ ຢ່າງ ແທ້ຈິງ.

ຂະບວນການ ນັກສຶກສາ ລາວ ເພື່ອ ປະຊາທິປະຕັຍ ເປັນ ອົງການ ຈັດຕັ້ງ ທີ່ເຄື່ອນໄຫວ ການເມືອງ ຊຶ່ງ ຖືກຕັ້ງຂຶ້ນ ໃນປີ 1988 ເພື່ອ ເຕົ້າໂຮມ ເອົາເຫຼົ່າ ນັກສຶກສາ, ຄຣູ-ອາຈານ, ພະນັກງານ ຣັຖກອນ ແລະ ປະຊາຊົນ ລາວ ທົ່ວປະເທສ ພ້ອມກັນ ຕໍ່ສູ້ ເພື່ອ ເປົ້າໝາຍ ອັນສູງສົ່ງ.

ໃນບົດ ຣາຍງານ ນີ້ ຂ້າພະເຈົ້າ ໄດ້ຮິບໂຮມ ເອົາຄໍາຄິດ ຄໍາເຫັນ ຈາກຫຼາຍ ທ່ານ ທີ່ ມີປະສົບການ ເຣຶ່ອງ ການຕໍ່ສູ້ ເພື່ອ ປະຊາທິປະຕັຍ ແລະ ຄວາມເປັນທັມ ສໍາລັບ ປະເທສຊາດ ແລະ ປະຊາຊົນ ລາວ ໃນນັ້ນ ຮວມທັງ ທ່ານ ອະລິຍະພອນ ຈັນທະລາ ຊຶ່ງ ເປັນນຶ່ງ ໃນ ຄນະແກນນໍາ ຂະບວນການ ນັກສຶກສາ ລາວ ເພື່ອ ປະຊາທິປະຕັຍ 26 ຕຸລາ ທີ່ ປັດຈຸບັນ ຕັ້ງ ຖິ່ນຖານ ຢູ່ ສະຫະຣັດ ອະເມຣິກາ.

ທ່ານກ່າວ ແບບສັງລວມ ເຖິງການ ຈັດຕັ້ງ ການປະທ້ວງ ຂອງ ເຫລົ່າ ນັກສຶກສາ ລາວ ເພື່ອ ປະຊາທິປະຕັຍ ຢູ່ ຕໍ່ໜ້າ ຫໍຄໍາ ຫລື ຕໍ່ໜ້າ ສໍານັກງານ ປະທານ ປະເທສ ສປປ ລາວ ເມື່ອ ວັນທີ 26 ຕຸລາ 1999 ວ່າ: .ສຽງ..

ການເຄື່ອນໄຫວ ຂອງ ຂະບວນການ ນັກສຶກສາ ລາວ ເພື່ອ ປະຊາທິປະຕັຍ 26 ຕຸລາ ຕລອດ 15 ປີ ມານີ້ ກໍມີຫລາຍສິ່ງ ຫລາຍຢ່າງ ທີ່ ສໍາຄັນ ຊຶ່ງເມື່ອ 2 ອາທິດ ກວ່າ ຜ່ານມາ ທ່ານ ອະລິຍະພອນ ຈັນທະລາ ກໍໄດ້ຕາງໜ້າ ໃຫ້ ຂະບວນການ ເຂົ້າຮ່ວມ ກອງປະຊຸມ ແລະ ເຂົ້າຮ່ວມ ການຊຸມນຸມ ຮຽກຮ້ອງ ຢູ່ຕໍ່ໜ້າ ທໍານຽບຂາວ ທີ່ ນະຄອນ ຫລວງ ວໍຊິງຕັນ ດີຊີ ສະຫະຣັຖ ອະເມຣິກາ ແລະ ການ ປະທ້ວງ ຢູ່ຕໍ່ໜ້າ ສະຖານທູດ ວຽດນາມ ຊຶ່ງ ອົງການ ຈັດຕັ້ງ ຂອງ ຊຸມຊົນ ຊາວລາວ ແລະ ກໍາພູຊາ ຈັດຂຶ້ນ ເພື່ອ ຄວາມເປັນ ເອກຣາດ ຂອງ 2 ຊາດ ແລະ ປະຊາທິປະຕັຍ ຂອງ ປະຊາຊົນ 2 ປະເທສ ຊຶ່ງ ທ່ານໄດ້ ເວົ້າເຖິງ ຕອນນຶ່ງວ່າ ມີ ຄວາມ ສໍາຄັນ ຢ່າງຍິ່ງ ແລະ ຮູ້ສຶກ ດີໃຈ ຫລາຍ: ສຽງ...

ຕໍ່ການ ປາບປາມ ແລະ ການຈັບກຸມ ຄນະແກນນໍາ ຂະບວນການ ນັກສຶກສາ ລາວ ເພື່ອ ປະຊາທິປະຕັຍ 26 ຕຸລາ ຮວມທັງ ທ່ານ ທອງປະເສດ ເກື້ອກຸນ ຜູ້ເປັນ ຫົວໜ້າ ນັ້ນ ດຣ. ບຸນທອນ ຈັນທະລາວົງ ວີເຊີ ປະທານ ພັນທະມິດ ເພື່ອ ປະຊາທິປະຕັຍ ໃນລາວ ໄດ້ກ່າວວ່າ ເປັນຫ່ວງ ແລະ ໄດ້ປະນາມ ທາງການ ລາວ ຢ່າງ ສຸດຂີດ ແລະ ທວງໃຫ້ ປ່ອຍຕົວ ມາໂດຍຕລອດ: ...ສຽງ...

ເວົ້າເຖິງການ ເຄື່ອນໄຫວ ຂອງ ຂະບວນການ ນັກສຶກສາ ລາວ ເພື່ອ ປະຊາທິປະຕັຍ 26 ຕຸລາ ນີ້ ທ່ານ ອຸດົງ ໄຊຊະນະ ຜູ້ຕິດຕາມ ຊ່ວຍເຫລືອ ຄນະນໍາ ຂະບວນການ ນີ້ ມາຕັ້ງແຕ່ ຣະຍະ ຫລົບໜີ ອອກຈາກ ສປປລາວ ໄປຢູ່ ສະຫະຣັຖ ອະເມຣິກາ ຈົນມາຮອດ ສູ່ມື້ນີ້ ໃຫ້ຄວາມ ເຫັນວ່າ ມີຄວາມ ສໍາຄັນ ຍິ່ງ.

ຄໍາເຫັນ (2)
Share

ສຽງຂອງຄົນລາວ

ຈາກ ນະຄອນຫຼວງວຽງຈັນ

ຝາກແດ່, ການຮ້ອງຮຽນ ເພື່ອໃຫ້ມີ ປະຊາທິປະໄຕ ຫຼາຍພັກຫຼາຍພວກ ໃນລາວ ແມ່ນເພີ່ມການ ຈູດຊະນວນ ຂອງການຂັດແຍ້ງ. ການມີ ພັກດຽວ ແມ່ນດີ ທີ່ສຸດແລ້ວ ສຳລັບ ປະຊາກອນ 6-7 ລ້ານ ກວ່າຄົນ, ຜູ້ມີສະຕິປັນຍາ ສະຫຼາດຫຼັກແຫຼມ ທີ່ ມັກຮຽກຮ້ອງ ຂໍ ປະຊາທິປະໄຕ ເອີ່ຍ ທ່ານເປັນຄົນ ສະຫຼາດ ແລະມີເງິນຫຼາຍ ບໍ່ແມ່ນບໍ? ຈົ່ງນຳໃຊ້ ສິ່ງທີ່ທ່ານມີ ເພື່ອເສີມສ້າງ ພັດທະນາ ສິ່ງທີ່ ລັດຖະບານ ພັດທະນາບໍ່ໄດ້ ເບິ່ງດູ! ບໍ່ແມ່ນໄດ້ແຕ່ຈົ່ມ ແລ້ວການ ກະທຳບໍ່ມີ ລືມແລ້ວບໍ່ ສຸພາສິດລາວ ທີ່ວ່າ ມີແຕ່ເວົ້າ ການກະທຳ ບໍ່ເອົາ. ໄດ້ແຕ່ຕຳໜິ ຄົນອື່ນ ບໍ່ກົ້ມເບິ່ງໜ້າແຂງ ໂຕເອງ


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Nov 18, 2014 01:49 PM

Doungmala

ຈາກ Laos

If we chase communist regime out off Laos, Laos become next Ukraine, Vietnam is like Russia Laos is like Ukraine.


[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Oct 26, 2014 04:37 PM

ເຕັມຫນ້າ