ແຮງງານລາວທີ່ຂຶ້ນທະບຽນ ຢູ່ ໄທ

ສິດນີ
2014-08-13
ອີແມວລ໌
ຄໍາເຫັນ
Share
ພິມ
 ແຮງງານລາວທີ່ຂຶ້ນທະບຽນ ຢູ່ ໄທ
ແຮງງານລາວທີ່ຂຶ້ນທະບຽນ ຢູ່ ໄທ
RFA

 

ທ່ານ ສຸເມກ ມະໂຫສົດ ຮອງ ອະທິບໍດີ ຫ້ອງການ ຈັດຫາງານ ກະຊວງ ແຮງງານ ແລະ ສວັດດີການ ສັງຄົມ ຂອງໄທ ເປີດເຜີຍວ່າ ໃນ ອາທິດ ທີ່ຜ່ານມາ ທ່ານໄດ້ ຫາລືກັບ ທ່ານ ຫລີ ບຸນຄ້ຳ ເອກອັຄຣັຖທູດ ລາວ ປະຈຳ ບາງກອກ ກ່ຽວກັບ ການພິສູດ ສັນຊາດ ແລະ ອອກຫນັງສື ເດີນທາງ ໃຫ້ແກ່ ແຮງງານລາວ.

ຈາກການ ໂອ້ລົມກັນ ໃນເບື້ອງຕົ້ນ ທູດ ສປປລາວ ເວົ້າວ່າ ໃນເວລານີ້ ແຮງງານລາວ ເຂົ້າມາ ຈົດທະບຽນ ໃນສູນ ບໍຣິການ ແຫ່ງດຽວ ຕາມ ແຂວງຕ໋າງໆ ຂອງໄທ ຫລາຍກວ່າ ທີ່ຄາດໄວ້ ຊຶ່ງມີຢູ່ ປະມານ 1 ແສນ 2 ຫມື່ນຄົນ ຈຶ່ງຢາກໃຫ້ ທາງການໄທ ເລີ້ມພິສູດ ສັນຊາດ ແຮງງານລາວ ຢ່າງ ຮີບດ່ວນ ພ້ອມທັງ ຈະໃຫ້ຄວາມ ຮ່ວມມື ຢ່າງເຕັມທີ.

ທາງການໄທ ເວົ້າວ່າ ກົມແຮງງານ ໄທ ແລະ ສປປລາວ ໄດ້ນັດ ປະຊຸມກັນ ກ໋ຽວກັບ ຣາຍຣະອຽດ ຂອງ ການພິສູດ ສັນຊາດ ແຮງງານ ລາວ ແລະ ການອອກ ຫນັງສືຜ່ານແດນ ອີກໃຫມ່ ຮ່ວມທັງ ບັນຫາ ແຮງງານລາວ ຜູ້ທີີ່ເຮັດວຽກ ຕາມແຂວງ ຊາຍແດນ ລາວ-ໄທ ແບບ ມາເຊົ້າ ກັບຄ່ຳ ແລະ ເຮັດວຽກ ຕາມ ຣະດູການ. ທັງສອງຝ່າຍ ຍັງຈະ ປັບປຸງ ບົດບັນທຶກ ຄວາມເຂົ້າໃຈ ຣະຫວ່າງກັນ ດ້ານແຮງງານ ທີ່ແຂວງ ຫນອງຄາຍ.

ສຳລັບ ການອອກ ໃບຜ່ານແດນ ໃຫ້ ແຮງງານລາວ ນັ້ນ ທາງການ ລາວ ຈະອອກໃຫ້ ຢູ່ ສະຖານທູດ ລາວ ທີ່ບາງກອກ ຫລື ເຮັດເປັນ ໜ່ວຍ ເຄື່ອນທີ່ ໄປຕາມແຂວງ ທີ່ ມີແຮງງານ ລາວ ອາສັຍ ຢູ່.

ຄໍາເຫັນ (1)
Share

ຫຳແລ້ ຊຳເໜືອ

ຈາກ ນະຄອນຫຼວງ

ບັນຫາ ແຮງງານລາວ ທີ່ປະເທດໄທ ເປັນບັນຫາ ຊໍ້າເຮື້ອ ມາດົນແລ້ວ ຍ້ອນຄວາມ ສະຫຼາດສ່ອງໃສ ຂອງພັກລັດ ບໍ່ຍອມແກ້ໄຂ ບັນຫາ ການຈ້າງງານ ຢູ່ພາຍ ໃນປະເທດ ເຮັດໃຫ້ຊາວ ໝຸ່ມນ້ອຍ ຍີງສາວລັ່ງໄຫຼ ໄປອອກແຮງງານ ຢູ່ໄທ ນັບມື້ນັບເພີ່ມຂຶ້ນ



[ຄໍາເຫັນນີ້ໄດ້ຖືກກວດແກ້ ໂດຍບັນນາທິການ ເອເຊັຽເສຣີ ອີງຕາມເງື່ອນໄຂການນໍາໃຊ້ ]

Aug 14, 2014 09:07 AM

ເຕັມຫນ້າ