ວຽກໜ້ອຍລົງ, ເງິນເດືອນ ຍິ່ງໜ້ອຍຕື່ມ

ຄົນງານລາວ ຢູ່ຕ່າງປະເທດ ມີຣາຍໄດ້ໜ້ອຍ ເພາະຊົ່ວໂມງ ອອກແຮງງານ ໜ້ອຍລົງ; ຕົວຢ່າງ ຢູ່ປະເທດໄທ ໂຮງງານ ຫລາຍໆແຫ່ງ ບໍ່ອະນຸຍາດ ໃຫ້ຄົນງານ ເຮັດວຽກ ເກີນເວລາ ແລະ ຄົນງານສ່ວນຫລາຍນຶ່ງ ແມ່ນຄົນລາວ ຊຶ່ງອາໃສ ແຕ່ການເຮັດວຽກ ເກີນເວລາ ເພື່ອຫາຣາຍໄດ້ ເພິ້ມຕື່ມ ແລະ ຖ້າຈະເວົ້າແລ້ວ ຣາຍໄດ້ ຈາກການເຮັດ ເກີນເວລາ ຫລາຍກວ່າ ເງິນເດືອນປົກກະຕິ ຊ້ຳອີກ.
ອາວະຣີ ຣາຍງາຍ
2008-12-22
ອີແມວລ໌
ຄໍາເຫັນ
Share
ພິມ

ທ່ານ ພູວັນ ຈັນທະວົງ ຫົວໜ້າກົມສີ​ມື​ ແຮງງານ ແລະ ຈັດຫາງານ ເວົ້າວ່າ ປັດຈຸບັນ ຄົນງານລາວ ທີ່ເຮັດວຽກ ຢ່າງຖືກຕ້ອງຕາມກົດໝາຍຢູ່ໄທ ປະມານ 6 ໝື່ນຄົນເລີ້ມ​ມີ ບັນຫາຍຸ້ງຍາກເພາະມີໂອກາດເຮັດວຽກ ພຽງແຕ່ ໃນເວລາ ປົກກະຕິເທົ່ານັ້ນ; ​ເຂົາເຈົ້າ ສາມາດສ້າງຣາຍໄດ້ ພໍແຕ່ ກຸ້ມກິນເທົ່ານັ້ນ ບໍ່ສາມາດ ຈະສົ່ງເງິນ ໄປໃຫ້ພໍ່​​ແມ່ພີ່ນ້ອງ ໃນປະເທດໄດ້.

ສະນັ້ນ ຄົນງານລາວ ສ່ວນນຶ່ງ ຈຶ່ງກຳລັງ ຄິດຢາກກັບຄືນ ປະເທດ; ສຳຣັບ ຄົນງານລາວ ທີ່ຍັງບໍ່ຖືກພິສູສັນຊາດ ໃນໄທ ປະມານ 14,000 ຄົນ ຍິ່ງມີ ບັນຫາໜັກເພາະພວກເຂົາ ມີຄວາມສ່ຽງສູງ ທີ່ຈະຖືກຂົດຂີ່ ຂົ່ມເຫັງ ສໍ້ໂກງແຮງງານ. ທ່ານ ພູວັນ ຈັນທະວົງເວົ້າອີກວ່າ ຂແນງການ ທີ່ກ່ຽວຂ້ອງ ຂອງສອງປະເທດລາແລະ ໄທ ຈະພະຍາຍາມ ພິສຸດສັນຊາດຄົນງານລາວ ໃຫ້ສຳເຣັດ ພາຍໃນ ປີ 2009 ຈະມາເຖິງ.

ໃນຣະຍະຜ່ານມາ ຄົນງານລາວ ທີ່ເຮັດວຽກ ​​ໃນປະເທດລາວໄດ້ຮັບເງິນຄ່າແຮງງານ ຕ່ຳຫລາຍ​ ​ເມື່ອທຽບໃສ່ກັບ ຄ່າແຮງງານ ໃນປະເທດໄທ; ສະນັ້ນ ຄົນລາວ ຈຳນວນຫລາຍຈຶ່ງມັກໄປຂາຍ ແຮງງານ ຢູ່ໄທ; ສ່ວນຄົນງານ ໃນປະເທດລາວເອງ ບໍ່ຍອມເຮັດວຽກໃນໂຮງງານຕ່າງໆໃນປະເທດ ທັງໆທີ່ພວກເຂົາເປັນຄົນຫວ່າງງານ ຊຶ່ງໄດ້ເຮັດໃຫ້ ໂຮງງານຫລາຍໆແຫ່ງ ຂາດເຂີນ ແຮງງານ.

ທ່ານ ພູວັນ ຈັນທະວົງເວົ້າອີກວ່າ ກັມມະກອນ ທີ່ເຮັດວຽກ ໃນລາວ ມີຣາຍໄດ້ ສະເລັ່ຍ ປະມານ 25,000 ກີບຕໍ່ມື້ ຖ້າ​​ຄິດໄລ່ ເປັນເດືອນປະມານ ເຄິ່ງລ້ານກີບ. ສຳຣັບ ຜູ້ມີຣາຍໄດ້ຕ່ຳສຸດໄດ້ພຽງແຕ່ 3 ​ແສນກີບ; ສ່ວນກັມມະກອນລາວ ທີ່ໄທໄດ້ 52,000 ຕໍ່ມື້ ຫລື 1 ລ້ານກີບ ຕໍ່ເດືອນ. ຖ້​​ໄດ້ເຮັດວຽກເກີນເວລາ ກໍໄດ້ເພິ້ມຂື້ນຫລາຍ.


ເຕັມຫນ້າ