ໄທ ໂຈະ ຮັບຈົດທະບຽນ ແຮງງານ ຕ່າງດ້າວ

ຣັດຖະບານໄທ ງົດການ ຮັບຈົດທະບຽນ ໃໝ່ສຳລັບ ຄົນງານຕ່າງດ້າວ 3 ຊາດ ລາວ ກຳພູຊາ ແລະ ພະມ້າ ຍ້ອນສະພາບເສຖກິດ ຝືດເຄືອງ.
ຈໍາປາທອງ ຣາຍງານ
2009-01-06
ອີແມວລ໌
ຄໍາເຫັນ
Share
ພິມ

ກະແສຂ່າວ ທ້ອງຖິ່ນ ລາຍງານວ່າ ເມື່ອວັນອາທິດ ທີ 4 ມົກກະລາ 2009 ຜ່ານມາ ວ່າ ທ່ານ ພິໄຊ ເອກພິທັກດຳລົງ ອະທິບໍດີກົມ ການຈັດຫາງານຂອງໄທ ເປີດເຜີຍວ່າ ຫລັງຈາກ ຄະນະ ຣັດຖະມົນຕຣີ ມີມະຕິບໍ່ເຫັນພ້ອມໃຫ້ເປີດການຈົດທະບຽນ ຄົນງານຕ່າງດ້າວ ຮອບໃໝ່ ຕັ້ງແຕ່ວັນທີ 9 ທັນວາ 2008 ຜ່ານມາ ເນື່ອງຈາກ​​ເຫັນວ່າ ສະພາບເສດຖະກິດຂອງໄທ ໃນປັດຈຸບັນ ສົ່ງຜົນ​​ໃຫ້ ເກີດມີການ​ຍຸດຈ້າງ ຄົນງານຊາວໄທ ຢູ່ຕາມໂຮງຈັກໂຮງງນ ຕ່າງໆເປັນຈຳນວນຫລວງຫລາຍ.

ຖ້າປ່ອຍໃຫ້ມີການຈົດທະບຽນຢູ່ຕໍ່ໄປ ຄົນງານຕ່າງດ້າວ ອາດຈະຍາດແຍ່ງ ວຽກງານຂອງຄົນງານໄທໄປໄດ້. ດັ່ງນັ້ນ ຄະນະ ບໍລິຫານ​​ ແຮງງານ ຕ່າງດ້າວ ທີ່ລັກລອບ ເຂົ້າເມືອງ ແບບຜິດກົດໝາຍ ຂອງໄທ ຈຶ່ງມີມະຕິໃຫ້ລະງັບ ຫລື ໂຈະ ການຈົດທະບຽນນັ້ນ ໄວ້ກ່ອນ.

ສ່ວນວ່າ ຄົນງານຕ່າງດ້າວ ທີ່ເຄີຍຂື້ນທະບຽນ ຂໍອະນຸຍາດເຮັດວຽກມາ ແລ້ວນັ້ນ ກໍຍັງສາມາດ ຍື່ນຂໍຕໍ່ສັນຍາ ເພື່ອປະກອບອາຊີບໃນປະເທດໄທ ຕໍ່ໄປໄດ້. ການຕໍ່ອາຍຸໃບອະນຸຍາດໃຫ້ຄົນງານຕ່າງດ້າວ ແບ່ງອອກເປັນ 4 ​ໄລຍະ ຄື:

1. ຄົນງານທີ່ມີໃບອະນຸ ຍາດ ແລະ ຈະໝົດອາຍຸ ໃນວັນທີ 20 ມົກກະລາ 2009 ສາມາດຕໍ່ອາຍຸໄດ້ ຕັ້ງແຕ່ ວັນທີ 5 ຫາວັນທີ 20 ມົກກະລາ 2009;

2. ຖ້າ​​ໃບອະນຸຍາດ ຈະໝົດອາຍຸ ໃນວັນທີ 28 ກຸມພາ 2009 ສາມາດເລີ່ມ ຕໍ່ອາຍຸໄດ້ ​​ແຕ່ໃນວັນທີ 10 ຫາ ວັນທີ 28 ກຸມພາ 2009;

3. ຖ້າ​​ໃບອະນຸຍາດ ຈະໝົດອາຍຸ ໃນວັນທີ 14 ມິນາ 2009 ສະ ເພາະ 4 ​ແຊວງພາກໄຕ້ຂອງໄທ ຄື ແຂວງ ຍະລາ, ປັດຕານີີ, ນະລາທິວາ ແລະແຂວງ ສົງຂາ ຈະຕໍ່ອາຍຸໄດ້ຕັ້ງແຕ່ ວັນທີ 13 ຫາວັນທີ 24 ມິນາ 2009;

4. ຄົນງານ ຕ່າງດ້າວ ທີ່ມີໃບອະນຸຍາດ ຈະໝົດອາຍຸ ໃນວັນທີ 30 ມິຖຸນາ 2009 ຈະໄປຕໍ່ ອາຍຸໄດ້ ແຕ່ວັນທີ 1 ຫາວັນທີ 30 ມິຖຸນາ 2009.

ແຕ່ເຖິງຢ່າງໃດ ກໍດີ ທ່ານ ສົມພົງ ສະແກ້ວ ຜູ້ອຳນວຍການເຄືອຂ່າຍສົ່ງເສີມ ຄຸນນະພາ ຊີວິດຄົນງານໃນປະເທດໄທ ກໍໄດ້ກ່າວ ກ່ຽວກັບ ເລື່ອງນີ້ວ່າ ການທີ່ ຣັດຖະບານໄທ ຄິດວ່າ ຄົນງານຕ່າງດ້າວຈະມາຍາແຍ່ງອາຊີບ ຂອງຄົນງານໄທນັ້ນ ບໍ່ໜ້າເປັນໄປໄດ້ ເນື່ອງຈາກວ່າ ວຽກງານ ທີ່ຄົນງານຕ່າງດ້າວເຮັດຢູ່ນັ້ນ ສ່ວນໃຫຍ່ ເປັນວຽກງານ ທີ່ຄົນງານໄທ ບໍ່ນິຍົມເຮັດ ເຊັ່ນ ດ້ານການປະມົງ. ດັ່ງນັ້ນ ຣັດຖະບານຄວນອອກນະໂຍ ບາຍ ທີ່ຈະແຈ້ງ ໃນການຈົດທະບຽນ ແຮງງານຕ່າງດ້າວຮອບໃໝ່ ວ່າ ພວກເຂົາເຈົ້າ ສາມາດປະກອບ ອາຊີບໃນວຽກງານ ​​ໃດໄດ້ແດ່.


ຄໍາເຫັນ (0)
Share
ເຕັມຫນ້າ