ການປະຕິບັດ ຂອງນາຍຈ້າງໄທ ຕໍ່ຄົນງານຕ່າງດ້າວ ໃນການພາໄປ ຂື້ນທະບຽນ ໃຫ້ຖືກຕ້ອງ ຕາມກົດໝາຍ ຍັງບໍ່ເຄັ່ງຄັດ.

ຢູ່ໃນປັດຈຸບັນນີ້ ມີຄົນງານ ຈາກ ສ.ປ.ປ.ລາວ ຮວມທັງ ຊາຍໜຸ່ມ ຍິງສາວ ລັກລອບ ເຂົ້າໄປເຮັດ ວຽກຢູ່ປະເທດໄທ ປະມານ 3 ແສນຄົນ
ຈຳປາທອງ
2009-01-13
ອີແມວລ໌
ຄໍາເຫັນ
Share
ພິມ

ຢູ່ໃນປັດຈຸບັນນີ້ ມີຄົນງານ ຈາກ ສ.ປ.ປ.ລາວ ຮວມທັງ ຊາຍໜຸ່ມ ຍິງສາວ ລັກລອບ ເຂົ້າໄປເຮັດ ວຽກຢູ່ປະເທດໄທ ປະມານ 3 ແສນຄົນ ແຕ່ໄປຂື້ນທະບຽນ ໃຫ້ຖືກຕ້ອງຕາມກົດ ໝາຍນັ້ນ ແມ່ນມີບໍ່ພໍເທົ່າໃດ. ບັນຫານຶ່ງທີ່ສຳຄັນ ກໍແມ່ນ ນາຍຈ້າງທີ່ ເປັນຄົນໄທ ບໍ່ເຄັ່ງຄັດໃນບັນຫາການ ຂື້ນທະບຽນຂອງ ຄົນງານໃຫ້ຖືກ ຕ້ອງຕາມ ກົດໝາຍ ຕໍ່ບັນຫານີ້ ທ່ານ ທອງແດງ ສິດທິຣາດ ອະທິບໍດີກົມ ຈັດຫາງານ ກະຊວງແຮງງານ ແລະສະຫວັດດີການ-ສັງຄົມ ຂອງລາວ ກ່າວວ່າ  ທັ້ງນີ້ທັ້ງນັ້ນ ການຜັກດັນຕົວນີ້ ປາກົດວ່າ ທາງຝ່າຍຈ້າງງານ ກໍຍັງບໍ່ທັນ ເຂັ້ມຂົ້ນປານໃດ ທີ່ຈະເຮັດໃຫ້ແຮງງານ ທີ່ເຂົ້າໄປແບບບໍ່ ຊອບໃຫ້ໄດ້ ມີວິຊາເພື່ອທຳງານ. ບໍ່ພຽງເທົ່ານັ້ນ ທ່ານຍັງເວົ້າ ເຖິງການທີ່ ນາຍຈ້າງໄທ ບໍ່ຢາກຊ່ວຍ ຄົນງານຕ່າງດ້າວ ທີ່ລັກລອບເຂົ້າ ປະເທດໄທໂດຍ ທີ່ບໍ່ມີໃບອະນຸຍາດເຮັດວຽກຢ່າງ ຖືກຕ້ອງຕາມກົດໝາຍ ນັ້ນວ່າ ນາຍຈ້າງ ເປັນຜູ້ນຳໄປພິສູດ ໄປທຳ. ຖ້າເຂົາເອົາ ຄົນງານທີ່ເຂົ້າເມືອງຜິດ ກົດໝາຍຂື້ນທະບຽນ ແຕ່ວ່າໃນຕົວເຂົາ ບໍ່ມີວິຊາອອກເມືອງ ແລະວິຊາເຂົ້າເມືອງ ເພື່ອໄປທຳງານ ຖ້າວ່າຢ່າງນັ້ນ ເຂົາກໍເຂົ້າເມືອງ ຜິດກົດໝາຍຢູ່. ທ່ານ ທອງແດງ ວ່າ ເພື່ອຊ່ວຍ ແກ້ໄຂບັນຫາຄົນງານຕ່າງດ້າວ ທີ່ລັກລອບເຂົ້າ ໄທແບບຜິດກົດ ໝາຍນັ້ນ ຈຳເປັນຢ່າງຍິ່ງ ຕ້ອງມີການຮ່ວມມືກັນ ທັງ 2 ຝ່າຍ ທັງຝ່າຍນາຍຈ້າງ ແລະລູກຈ້າງ ບໍ່ແມ່ນແຕ່ຄົນ ງານຕ່າງດ້າວຝ່າຍດຽວ ເພາະວ່າ ນາຍຈ້າງ ກໍມີສ່ວນຮ່ວມ ໃນການເຮັດໃຫ້ແຮງ ງານຕ່າງດ້າວ ຢູ່ເຮັດວຽກຢ່າງ ຜິດກົດໝາຍນັ້ນໄດ້.

ເຕັມຫນ້າ