ວັນທີ 6 ເດືອນ ທັນວາ ປີ 2006

2006-12-06
ອີແມວລ໌
ຄໍາເຫັນ
Share
ພິມ

ຈັດສເນີທ່ານ ໂດຍ: ໄມສຸຣີ

ສະບາຍດີ ທ່ານຜູ້ຟັງທີ່ເຄົາຣົບ

ມື້ນີ້ Maysoly ຮູ້ສຶກດີໃຈ ທີ່ໄດ້ມີໂອກາດ ກັບຄືນມາພົບກັບທ່ານຜູ້ຟັງ ອີກຕາມປົກຕິ ຫຼັງຈາກ ທີ່ໄດ້ຫ່າງເຫີນ ທ່ານຜູ້ຟັງ ໄປເປັນເວລາເກືອບ 2 ອາທິດ ຍ້ອນລາພັກຊົ່ວຄາວເນາະ. Maysoly ຫວັງໃຈ ເປັນຢ່າງຍິ່ງວ່າ ທຸກໆ ທ່ານທີ່ເປັນແຟນ ຂອງຣາຍການ ຕອບຈົດໝາຍ ຄົງຈະສະບາຍດີ ຕາມເຄີຍຕິເນາະ ບຸນຂອບຄຸນ ພຣະເຈົ້າ Thanks giving ກໍໄດ້ຜ່ານພົ້ນໄປ ແລ້ວ ບຸນ Christmas ຫຍັບເຂົ້າມາໃກ້ ແລ້ວ ບຸນປີໃໝ ່ກໍຈະມາເຖີງອີກ ຖ້າທ່ານມີຄວາມຄິດດີໆ ແນວໃດກໍເຊີນຂຽນຈມ. ຕິຊົມ ເຖີງພວກເຮົາໄດ້ ທຸກເວລາ ພວກເຮົາຍິນດີຮັບຟັງຄຳຕິຊົມຂອງພວກທ່ານ. ທັ້ງນີ້ ກໍເພື່ອໃຫ ້ພວກເຮົາ ຈະໄດ້ມີໂອກາດ ປັບປຸງຣາຍການ ໃຫ້ດີຂຶ້ນໄປເລື້ອຍໆ. ເອົາລະພໍເວົ້າມາເຖີງຕອນນີ້ ກໍຂໍເຊີນທ່ານ ເຂົ້າສູ່ຣາຍການ ຕອບ ຈ.ມ. ເລີຍເນາະ. ເພື່ອບໍ່ເປັນການເສັຽເວລາຂອງພວກເຮົາ.

ຈມ.ສບັບທຳອິດໃນມື້ນີ້ ແມ່ນໄດ້ຮັບຈາກທ່ານຜູ້ຟັງທີ່ໃຊ້ນາມວ່າ“ເຊື້ອຊາຕລາວ 1,000%” ຈາກເມືອງ Spotsylvania ຣັຖ Viaginia ນີ້ເອງ. ໃນຈມ.ເພີ່ນຂຽນມາວ່າ: “ຂ້າພະເຈົ້າຂໍສົ່ງຄວາມເຫັນໃນທັສນະສ່ວນຕົວ ກ່ຽວກັບບັນຫາທາງດ້ານສັງຄົມໃນ ສປປ.ລາວ ຊຶ່ງຂ້າພະເຈົ້າຄິດວ່າບັນຫາສາເຫດຕົ້ນຕໍ ພໍສລຸບໄດ້ດັ່ງຕໍ່ໄປນີ້:

ປະຊາຊົນລາວ ສ່ວນຫຼາຍ ມີຄວາມທຸກຍາກ ລຳບາກຫຼາຍທີ່ສຸດ ຍ້ອນສະພາບການເງິນເຟີ້ ພາໃຫ້ ຄ່າຄອງຊີບ ຖີບຕົວສູງຂຶ້ນຢ່າງນຳບໍ່ທັນ ໂດຍສະເພາະ ປະຊາຊົນຜູ້ຫາເຊົ້າກິນຄ່ຳ ແລະ ຜູ້ທີ່ອາໃສ ຢູ່ຕາມຊົນະບົດ. ຜູ້ຊຶ່ງມີຣາຍໄດ້ໜ້ອຍ ຣັຖບານເອງ ກໍບໍ່ສົນໃຈແກ້ໄຂ ບັນຫານີ້ ຍ້ອນວ່າ ລັທທິ ຄອມມິວນິສຕ໌ນັ້ນ ມີແຕ່ພັກ ແລະ ຣັຖເທົ່ານັ້ນ ທີ່ຮັ່ງມີ ປະຊາຊົນຈະເດືອດຮ້ອນ ແນວໃດ ພັກຣັຖບໍ່ສົນໃຈ. ໄປຂໍທານ ຕ່າງປະເທດມາໄດ້ ແທນທີ່ຈະເອົາມາ ສ້າງສາ ປະເທດຊາຕ ພວກເພີ່ນ ກັບເອົາມາແບ່ງປັນ ກັນກິນ ຢ່າງໜ້າບໍ່ອາຍ ຊາວໂລກ ຈະຮູ້ກໍ່ບໍ່ສົນ. ຖ້າຈະເວົ້າເຖີງ ການສຶກສາໃນ ສປປ.ລາວ ແລ້ວ ການສຶກສາ ກໍບໍ່ມີຄຸນະພາບ ເພາະ ວ່າຮຽນຈົບ ກໍຈົບ ໄປຕາມປີຊື່ໆ ມີໃບປະກາດ ຊະນີຍະບັດ ກໍໃຊ້ການບໍ່ໄດ້ ເພາະບໍ່ໄດ້ມາຕະຖານ ສາກົນ ເພາະລັດທິ Communist ເຂົາບໍ່ຢາກໃຫ້ ປະຊາຊົນ ມີຄວາມຮູ້ ຫຼືສລາດລື່ນ ກວ່າພັກແລະຣັຖ ເພາະຈະປົກຄອງຍາກ ນອກຈາກ ຄອບຄົວ ຫຼື ລູກເຈົ້າ ຫຼານນາຍເທົ່ານັ້ນ ຈຶ່ງຈະມີໂອກາດໄດ້ເຂົ້າຮຽນສູງ ຫຼືບໍ່ກໍ່ສົ່ງ ໄປຮຽນ ຢູ່ຕ່າງປະເທດ. ໃນດ້ານເຍົາວະຊົນແລ້ວ ພັກ ແລະ ຣັຖ ຊອບຫາວິທີທາງ ເພື່ອກຳຈັດເຍົາວະຊົນ ໃນທາງອ້ອມ. ໂດຍ ວິທີນຳເອົາ ຢາບ້າມາຈຳໜ່າຍ ຢ່າງກວ້າງຂວາງ ທັ້ງໆ ທີ່ກ່ອນປີ 1975 ປະຊາຊົນລາວ ບໍ່ເຄີຍ ໄດ້ຍິນຊື່ຢາບ້າ ຈັກເທື່ອ ແລະ ອີກຢ່າງນຶ່ງ ພວກເຍົາວະລາວ ທີ່ຄອບຄົວທຸກຍາກ ບໍ່ມີເຂົ້າກິນ ຈຶ່ງໄດ້ຕັດສິນໃຈ ໜີອອກໄປ ຊອກວຽກ ຊອກການທຳ ຢູ່ປະເທດ ເພື່ອນບ້ານ ທັງໆ ທີ່ຮູ້ວ່າ ມັນເປັນການສ່ຽງ ແຕ່ ກໍຕ້ອງໄປ ເພາະ ຄວາມຍາກຈົນ ໃນທີ່ສຸດ ພວກເຂົາເຈົ້າ ກໍຖຶກບັງຄັບໃຫ້ຂາຍຕົວ ເປັນໂສເພນີ ແລະ ເຮັດໃຫ້ມີ ການຄ້າມະນຸດ ໄປໃນຕົວ. ຖ້າຈະເວົ້າເຖີງ ຜູ້ຍິງລາວເຮົາແລ້ວ ຜູ້ຍິງລາວເປັນກຸລສັຕຣີ ທີ່ມີນິໃສ ອ່ອນນ້ອມ ວາຈາອ່ອນຫວານ ມີກຽດ ແລະ ສັກສີອັນສູງສົ່ງ ຟັງຄຳສັ່ງສອນ ຂອງພໍ່ແມ່ ແລະ ຜູ້ປົກຄອງ ເປັນຢ່າງດີ. ແຕ ່ກໍຍ້ອນ ສິ່ງແວດລ້ອມ ບີບບັງຄັບ ແລະ ບໍ່ມີອັນຈະກິນ ພັກ-ຣັຖກໍບໍ່ມີແຜນ ຈະແກ້ໄຂ. ພວກເຂົາເຈົ້າ ຈຶ່ງດີ້ນຮົນຕໍ່ສູ້ ເພື່ອຄວາມຢູ່ລອດ ຕາມຄວາມສາມາຖ ຂອງໃຜລາວ ແລະ ໃນທີ່ສຸດ ກໍ່ໄດ້ຮັບບົດຮຽນ ອັນແສນແສບ ທີ່ບໍ່ມີສິ່ງໃດ ຈະສາມາຖລຶບລ້າງ ມົນທິນນັ້ນໄດ້. ໃນສມັຍກ່ອນປີ 1975 ຄົນລາວ ບໍ່ເຄີຍໄປຫາກິນ ຢູ່ປະເທດ ເພື່ອນບ້ານເລີຍ ກົງກັນຂ້າມ ມີແຕ່ປະເທດເພື່ອນບ້ານ ເທົ່ານັ້ນ ມາຫາຢູ່ຫາກິນ ທາງບ້ານເຮົາ ຕົວຢ່າງມາເປັນຄົນໃຊ້ ແລະ ໂສເພນ ີຕາມເຮືອນ ແລະ ສຖານ ບັນເທີງຕ່າງໆ.

ທັງໝົດທີ່ກ່າວມານີ້ ແມ່ນແຜນການ Communist VN ທີ່ຫວັງຈະກືນກິນຊາຕລາວ ແລະ ແຜນການ ກຳຈັດ ຊົນເຊື້ອຊາຕລາວ ໃຫ້ໝົດໄປ ຈາກຜືນແຜ່ນດິນລາວ. ຕໍ່ໄປປະເທດລາວກໍຈະເຫືອພຽງແຕ່ຊື່. ສ່ວນປະຊາຊົນນັ້ນ ກໍຈະແມ່ນແຕ່ຄົນວຽດສັນຊາຕລາວ. ຫຼື ທີ່ເພີ່ນເອີ້ນກັນ ວ່າ (ລາວວຽດ).

ທ່ານຜູ້ຟັງທີ່ເຄົາຣົບ ທັງໝົດທີ່ກ່າວມານີ້ ກໍຄືທັສນະສ່ວນຕົວຂອງຜູ້ທີ່ໃຊ້ນາມວ່າ “ເຊື້ອຊາຕ ລາວ1,000%” ຫວັງວ່າ ຜູ້ຂຽນ ກໍຄົງຈະກຳລັງຍິ້ມເປີ້ຍ ຕິດຕາມ ຮັບຟັງຢູ່ຕິເນາະ ຈັກໜ່ອຍພັດສິຕິມາວ່າ ບໍ່ເຫັນ ອອກອາກາດ. ອີກຢ່າງນຶ່ງ ຂໍໂທດທີ່ Maysoly ບໍ່ສາມາຖ ອ່ານຈມ.ຂອງທ່ານ ອອກອາກາດໄດ້ທຸກຂໍ້ຄວາມ ທັ້ງນີ້ ຍ້ອນເວລາ ມີຈຳກັດ ແລະອີກຢ່າງນຶ່ງ ຂໍ້ຄວາມບາງຕອນໃນຈົດໝາຍ ກໍຮູ້ສຶກວ່າຮຸນແຮງ ໄປແດ່ ຢ່າງໃດກໍຕາມ ໃນນາມສ່ວນຕົວແລ້ວ Maysoly ຂໍຂອບໃຈ ນຳທ່ານ ”ເຊື້ອຊາຕລາວ 1,000%” ທີ່ໄດ້ສລະເວລາ ອັນມີຄ່າ ຂຽນຈມ.ເຖິງຣາຍການຕອບຈມ. ຄິດວ່າໂອກາດໜ້າ ຟ້າດີປີໃໝ່ ທ່ານ ຄົງຂຽນ ມາຮ່ວມຣາຍການ ຂອງພວກເຮົາອີກ.

ທ່ານຜູ້ຟັງທີ່ເຄົາຣົບ ພໍເວົ້າມາເຖີງຕອນນີ້ ເວລາແຫ່ງຣາຍການຕອບຈມ. ກໍໃກ້ຈະໝົດລົງແລ້ວ ກ່ອນຈາກກັນ ໃນມື້ນີ້ Maysoly ຂໍມ້ວນທ້າຍດ້ວຍ ຈ.ມ. ຂອງທ່ານຜູ້ຟັງ ທ່ານນຶ່ງ ທີ່ຂຽນມາວ່າ:

“ຂ້າພະເຈົ້າ ເປັນຄົນຂຽນທີ່ອາພັບຜູ້ອ່ານ ເມື່ອຊຽນຂຶ້ນມາແລ້ວ ກໍບໍ່ຮູ້ວ່າຜູ້ໃດສິອ່ານ! ດັ່ງນັ້ນ ຂ້າພະເຈົ້າ ຈຶ່ງໄດ້ສົ່ງກະວີບົດນີ້ ມາຍັງສຖານີ ຂອງພວກທ່ານ ຈຸດປະສົງ ກໍເພື່ອໃຫ້ອ່ານຫຼີ້ນ ເພື່ອຄວາມເພີດເພີນໃຈ ຫາກຄິດວ່າ ມັນຈະເປັນຜົນດີແກ່ສັງຄົມ ຫຼືແນວໃດນັ້ນ ກໍສຸດແລ້ວແຕ່ທ່ານ ຈະພິຈາຣະນາ ວ່າຊັ້ນ ບົດກະວີບົດນີ້ ມີຊື່ວ່າ:

ວອນຈີນເຈົ້າພໍ່ ຈີນນັ້ນເປັນປະເທດໃຫຍ່ກວ້າງ   ;   ;   ;   ; ມີພົລມາກເຫຼືອຫຼາຍ ຕັ້ງຖິ່ນຖານພູມລຳເນົາ   ;   ;   ;   ; ຢູ່ພາກເໜືອລາວພຸ້ນ ຊ້ຳເຫຼົ່າຍັງປຸກສ້າງ   ;   ;   ;   ; ອາຄານເຮືອນ ເຂື່ອນນ້ຳໃສ່ ກັນນ້ຳຂອງບໍ່ໃຫ້ໄຫຼ ປານ້ອຍໃຫຍ່ລອຍບໍ່ໄດ້   ;   ;   ;   ; ນ້ຳຂອງຂ້ອນ ຂາດວັງ ່ ລາວແລະໄທໄດ້ເດືອດຮ້ອນ   ;   ;   ;   ; ຍ້ອນຂາດບ່ອນຫາກິນ່ ມີຊີວິນເປັນເດີມພັນທ໌   ;   ;   ;   ; ດ້ວຍແມ່ຂອງວັງນ້ຳ່ ຈັກເປັນກັມຫຍັງແທ້ ໌   ;   ;   ;   ; ມາແວເປັນວາດຕ່າງ່ ຄັນວ່າເຂື່ອນແຕກມ້າງ໌   ;   ;   ;   ; ກໍຕາຍຄ້າງແຄ່ວັງ…ນ້ຳແລ້ວ ບໍ່ຈຳເປັນດອກເຈົ້າ   ;   ;   ;   ; ສິສ້າງເຂື່ອນກັນນ້ຳຂອງ ຖ້າປະສົງຢາກລອງລິທ   ;   ;   ;   ; ຍ່ຽວໃສ່ລາວກໍຕາຍມ້ວຍ ຂໍທານນຳ ຢ່າສູ້ສວຍໄຂນ້ຳ   ;   ;   ;   ; ໄຫຼລົງມາ ນ້ຳສິຫຼັ່ງ ມັນສິທັ່ງເຂົ້າບ້ານ   ;   ;   ;   ; ໄທລາວມ້ວຍມອດຊີວາ ໂລກນີ້ມີຫຼາຍເຊື້ອຊາຕຊັ້ນ   ;   ;   ;   ; ວັນນະຜ່ອງຜີວພັນທ໌…ງາມແລ້ວ ມັນສຳຄັນທີ່ຈິຕໃຈ   ;   ;   ;   ; ໄດ້ຮັກກັນເອົາໄວ້ ຣັກຊາຕຕົນ ຮັກຊາຕອື່ນ ພຽງຕື້ນໆ   ;   ;   ;   ; ມັນເປັນພັຍຕໍ່ຜູ້ອື່ນ້ ຄວາມເຫັນແກ່ຕົວຂອງຕົວນັ້ນ   ;   ;   ;   ; ບໍ່ສົມເຊື້ອ ເຜົ່າຈະເຣີນ…ເຈົ້າເອີຍ ໂດຍ: ລູກນ້ຳຂອງ

ນີ້ກໍຄື ບົດກະວີຊື່ວ່າ “ວອນຈີນເຈົ້າພໍ່” ແຕ່ງໂດຍ “ລູກນ້ຳຂອງ” ຈາກເມືອງ Portland ຣັຖ Origan. Maysoly ຂໍຂອບໃຈ ທີ່ທ່ານໄດ້ສົ່ງບົດກະວີ ມາຮ່ວມ ຣາຍການຕອບຈມ. ຊຶ່ງກໍເຮັດໃຫ້ ຣາຍການນີ້ ມີສີສັນ ຂຶ້ນມາແດ່ ບັດນີ້ “ລູກນ້ຳຂອງ” ກໍຢ່າຖ່ອມຕົວອີກວ່າ ອາພັບຜູ້ອ່ານເນາະ ມີເວລາຂຽນຂຶ້ນມາຍາມໃດ ກໍຂໍເຊີນ ສົ່ງເຂົ້າມາຮ່ວມ ໃນຣາຍການນີ້ໄດ້ ແຕ່ມີຂໍ້ຍົກເວັ້ນ ຖ້າເປັນໄປໄດ້ ຢາກຂໍຮ້ອງໃຫ້ຜູ້ແຕ່ງ ຂຽນບໍ່ກາຍ 3 ວັກເທົ່ານັ້ນ. ທັງນີ້ ເນື່ອງຈາກວ່າເວລາ ຂອງພວກເຮົາມີຈຳກັດ ຫວັງວ່າ ຄົງຈະໄດ້ຮັບ ຄວາມຮ່ວມໄມ ້ຮ່ວມມື ຈາກທ່ານຜູ້ຟັງເປັນຢ່າງດີ.

ທ່ານຜູ້ຟັງທີ່ເຄົາຣົບ ເພັງທ້າຍຣາຍການຕອບຈົດໝາຍຂອງເຮົາໃນມື້ນີ້ Maysoly ຂໍຈັດຂັບທຸ້ມ ເມືອງຫຼວງ ທີ່ມີຊື່ວ່າ “ຢ່າໃຫ້ປວັດສາດຊ້ຳຮອຍ” ຂັບຮ້ອງໂດຍ “ສຸດພະເນດ ທັມມະວົງສາ” ແລະ ພ້ອມກັນນີ້ ໄມສຸລີ ຂໍມອບໃຫ້ແກ່ທ່ານ ຜູ້ຟັງທຸກໆ ທ່ານ ທີ່ຄອຍເປັນກຳລັງໃຈ ແລະ ຕິດ ຕາມຮັບຟັງ ຣາຍການ ຕອບຈມ. ຂອງພວກເຮົາຕລອດມາ ພິເສດສຸດໃນມື້ນີ້ກໍຄື “ທ່ານຍາອ້າຍ ຄຳພູທອນ ພ້ອມດ້ວຍ Madam” ຂອງເພີ່ນ ທີ່ໄດ້ຕິດຕາມຮັບຟັງຣາຍການຂອງພວກເຮົາເປັນປະຈຳ ຂໍເຊີນທ່ານຮັບຟັງໄດ້ເລີຍ.

-----(ເພັງ)-----

ທີ່ຈົບລົງໄປນັ້ນ ກໍຄືຂັບທຸ້ມ ເມືອງຫຼວງ ທີ່ມີຊື່ວ່າ “ຢ່າໃຫ້ປວັດສາດຊ້ຳຮອຍ” ຂັບຮ້ອງໂດຍ “ສຸດພະເນຕ ທັມມະວົງສາ” ທ່ານຜູ້ຟັງ ທີ່ເຄົາຣົບ ເປັນອັນວ່າຣາຍການຕອບຈມ.ໃນມື້ນີ້ ເວລາກໍໝົດລົງພຽງເທົ່ານີ້ ແລ້ວ ຂໍເຊີນທ່ານ ທີ່ສົນໃຈຈົ່ງຕິດຕາມຮັບຟັງ ໄດ້ໃໝ່ໃ ນວັນພະຫັດໜ້າ ໃນເວລາດຽວກັນນີ້, ສະບາຍດີ.

ຄໍາເຫັນ (0)
Share
ເຕັມຫນ້າ